Obxectivo

O obxectivo principal desta actividade é fomentar a práctica deportiva nas nenas e nenos, promovendo un estilo de vida activo e saudable desde unha idade temperá. A través da participación nesta modalidade deportiva os nenos poderán desenvolver as súas habilidades físicas, motoras, sociais e emocionais, ademais de aprender valores importantes como o traballo en equipo, a disciplina e o respecto.

Obxectivos específicos

• Descubrir o bádminton. Dar a coñecer aos nenos o deporte do bádminton, as súas regras básicas e o seu equipamento.
• Iniciar nas técnicas básicas. Ensinar aos nenos os golpes básicos do bádminton (forehand, revés, saque etc.) de maneira divertida e progresiva.
• Desenvolver habilidades motrices. Mellorar a coordinación, a psicomotricidade e a axilidade dos nenos a través do bádminton.
• Fomentar o traballo en equipo. Inculcar nos nenos valores como a cooperación, o respecto e a comunicación a través da práctica do bádminton en parellas ou grupos.
• Promover hábitos saudables. Incentivar nos nenos a importancia da actividade física para a saúde e o benestar.
• Gozar do deporte. Crear un ambiente positivo e divertido onde os nenos disfruten aprendendo e practicando bádminton.

Destinatarios/as

Esta actividade ofértase para nenos e nenas de idades comprendidas entre os 6 e os 16 anos. Se ben dacordo á capacidade das instalacións dispoñibles nalgúns grupos ofértase o rango completo de idade (6-16 anos) e noutros ofértanse os grupos de forma segmentada (por exemplo: de 6 a 11 anos e de 12 a 16 anos). Ver información detallada en cada grupo. 

Desenvolvemento

As sesións serán formuladas de xeito lúdico e de dificultade progresiva para que supoñan reto e motivación para os participantes. Estamos falando dunha disciplina, o bádminton, que pode ser practicada por todo tipo de persoa con independencia das súas características ou experiencias previas, se ben esta actividade está especialmente destinada a aquelas persoas que se inician no bádminton. Os participantes da actividade asistirán a unha competición lúdica recreativa da Federación Galega de Bádminton Viaxarán en autobús, en principio a Ourense, patrocinado polo programa.

A programación das sesións será determinada polos coordinadores e coordinadoras que participan no Plan Corresponsables en nome da Federación Galega de Bádminton ou dos clubs que exercen de entidades colaboradoras, tendo en consideración a duración (número de sesións que se ofertan) de cada grupo.

Os contidos que orientan a organización destas sesións son os seguintes:

• Regra básicas: explicación das regras básicas de bádminton e algunhas adaptacións (cómo se puntúa, tipos de golpes permitidos, faltas comúns…)
• Equipamento: coñecemento do material necesario (raqueta, volantes, campo de xogo en individual e dobres...).
• Técnica básica: agarre de raqueta, posicionamento na pista, golpes básicos (drive, clear, drop, smash).
• Movemento: desprazamentos fundamentais dentro da pista, traballo de pés.
• Xogo: introdución ao xogo en parellas e individual con partidos supervisados con regras básicas de bádminton e as súas alternativas (p.e. modalidades de individual e dobres, introdución ao triples, emprego de cartas de acción, rei-de-pista, box, minibádminton...).
• Destreza motriz e coordinación (óculo-manual, dinámica-xeral, segmentada, espacial): actividades e xogos do bádminton e doutros deportes para estimular o desenvolvemento motriz e a coordinación.
• Actividades lúdicas no interior e no exterior: experimentación do xogo con perspectiva lúdica e potenciando a colaboración (p.e. dobres ou triples con unha única raqueta, olimpiada polideportiva de disfraces, xogos de destreza en bádminton...).
• Introdución á modalidade de airbadminton (suxeito as posibilidades da localización da actividade e do tempo meteorolóxico). 
• Competición: xornada final de experimentación dun torneo de bádminton; xornada lúdica de confraternización entre todos os grupos participantes na actividade. Desprazamento en autobus. Entrega de premios e agasallos.

As metodoloxías que orientan a práctica destas sesións son:

• O xogo como elemento vertebrador da práctica deportiva e da aprendizaxe.
• Ensinanza directa: explicación e demostración das técnicas, habilidades e regras; e práctica baixo supervisión.
• Aprendizaxe colaborativo: as/os participantes traballan en parellas e pequenos grupos de carácter mixto para practicar habilidades e estratexias, axudándose mutuamente. Implementación de titoría entre iguais.
• Xogo modificado: utilízanse versións simplificadas ou adaptadas do bádminton para facilitar a aprendizaxe e manter o interese das/os participantes.